19 nov 2012

A ESTRATEXIA DE MARKETING NO NEGOCIO





Bos días !!!

Saber venderse é importante para calquera, pero fundamental para vós emprendedores/as.

Estamos a organizar á última cita co Aula do Emprendedor do ano 2012, e imos a abordar a temática do Marketing, moi demandada  nas enquisas enviadas por mail ou presentadas en papel na nosa última xuntanza (mil grazas pola vosa axuda) 

Contaremos coa colaboración de Antonio da  asesoría ACEGA de Cangas, co obradoiro "A estratexia de marketing no negocio". Será o xoves, 29 de novembro,  como sempre, na Casa de Oficios Lorenzo Corbacho , situada na Avda. de Bueu nº15- entrechán, en horario de 10:30 a 12:00 horas.

Aquí vos deixo un guión dos principais puntos que se tratarán:

- Introducción ao marketing.
- Marketing estratéxico e marketing comercial.
- Instrumentos básicos do marketing: producto, prezo, promoción e distribución.

Seguro que vos será de grande interese para planificar a vosa estratexia comercial!!! =)
        
Como sabedes, é un evento gratuíto, mais  é necesario preinscribirse. O podedes facer respostando a este mail. Non o deixedes para o último día, pois imos  limitar a asistencia por motivos de espazo!

Esperamos, unha vez máis,  contar convosco.

Saúdos.



12 nov 2012

CADRANDO AS NOSAS CONTAS COMO AUTÓNOMOS/AS CON EVARISTO DE TC-1.

Bos días emprendedores/as!!

Toca tirar conclusións da excelente ponencia " Cómo ser autónomo e que as contas che cadren", impartida por Evaristo Fandiño, da asesoría TC-1 dentro do "Aula do Emprendedor" do pasado martes 30 de outubro.




Destacar a grande acollida que tivo pola vosa parte emprendedores/as, ateigando  con 33 asistentes a sala de formación, e participando activamente no obradoiro.

Evaristo amosounos que, sen artificios, coa única arma da palabra e do relato dunha experiencia persoal real, pódense transmitir multitude de coñecementos, consellos e valores, que clarifican dúbidas e motivan cara o emprendemento.



Destacaría todo desta charla... pero postos a elixir, vos deixo emprendedores/as, as estratexias de loita que debe ter todo autónomo para acadar o éxito:

- Non deixar de formarse, tanto na actividade a desenvolver como en xeral.
- Perder o medo ó fracaso, non postpoñendo decisións.
- Marcarnos unha meta.
- Buscar a excelencia: "o traballo ben feito non ten competencia".
- Administrar ben os recursos e non sobredimensionarse: "un euro aforrado é un euro gañado".
- Elexir unha boa estratexia-prezo.
- Ser cumpridor/a.
- Buscar xeitos de fidelizar ós clientes.
- Aplicar o sentido común.
- Non rendirse nunca.

Foi un placer emprendedores/as!!! #Tirapadianting sempre!! 

Estamos desexando organizar a vindeira charla =)  Saúdos.


19 oct 2012

CÓMO SER AUTÓNOMO E QUE AS CONTAS CHE CADREN



Bos días emprendedores/as!!!

Continuamos co Aula do Emprendedor, mistura de networking e formación made in Concello de Cangas, coa que pretendemos acompañarvos e guiarvos na vosa tarefa de acadar  ou consolidar un autoemprego planificado e viable.

 Nesta ocasión  contaremos coa colaboración de Evaristo Fandiño da  asesoría TC-1 de Cangas, co obradoiro"Cómo ser autónomo e que as contas che cadren". Será o vindeiro martes, 30 de outubro,  como sempre, na Casa de Oficios Lorenzo Corbacho , situada na Avda. de Bueu nº15- entrechán, en horario de 10:30 a 12:00 horas.

Aquí vos deixo un guión dos principais puntos que se tratarán:

        * Como cheguei a ser autónomo/a.
                    Percorrido por a miña experiencia persoal como autónomo/a.
        * ¿Ser autónomo neste intre? pois claro.
                    Ventaxas e inconvintes.
        *Xa tomei a decisión ¿agora qué?
                    Estratexias a tomar
                  ¿Eu solo ou con socios?
                    O autónomo ante a Administración

Interesante, verdade? Eu non ma perdería!!

Como sabedes, é un evento gratuíto, mais  é necesario preinscribirse. O podedes facer vía mail a dlocal@cangas.org, por teléfono no 986 301 371, ou nas nosas oficiñas, situadas na Praza do Sinal nº5- 2º andar.

Esperamos contar convosco. Non desaproveitedes esta oportunidade de relacionarvos e retoma-las vosas aspiracións no campo do  emprendimento.




18 oct 2012

SEMINARIO CREACIÓN DE PROXECTOS DE EMPRESA IGAPE. CONCLUSIÓNS FINAIS.

Bos días amigos/as!!

Finalizado o Seminario de "Creación de Proxectos de Empresa", que se impartiu en Cangas entre o cinco de setembro  e o 3 de outubro de 2012, aproveitadas as 35 horas de formación teórica impartidas por  Manuel Somoza, consultor en SAGIDE S.L., e César Chacón de ANALIZATIS, e as dúas sesións de titoría asociadas ó mesmo polos profesores antes mencionados e por Ana Núñez, técnica no IGAPE, non podemos facer outra cousa que dicir... GRAZAS!


Grazas a profesores e titores/as pola súa cercanía, boas explicacións e profesionalidade. 

Grazas ó IGAPE pola súa colaboración e excelentes materiales de apoio.

Grazas ós vinteseis emprendedores e emprendedoras asistentes, que participaron activamente nas clases, fulminaron records de asistencia, e conseguiron  un ambiente lectivo dinámico e agradabel. 

E grazas tamén a Concelleira de Emprego Berta Pérez Hernández, que forzou un oco na súa axenda para facernos unha visita e coñecer, de primeira man, as necesidades dos/das emprendedores/as do municipio.

Non me esquezo dos alfajores de Manuel Rúa, emprendedor da rama da pastelería que aproveitou para testear e promociona-lo seu producto. Grazas especiais. =)

Esperamos seguir organizando actividades que nos deixen tan bó sabor de boca!!

Un saúdo emprendedores/as!!


30 jul 2012

INNOVANDO... CON MASMETODO

Feliz luns a todos/as!!!

Despois dunha xornada tan intensa como a do día 26 de xullo no Aula do Emprendedor, na que David Sotelo Seguín, consultor fiscal e de negocios en Mas Método abordou o tema : "Orientación e xestión da innovación nos novos proxectos empresariais" toca reflexionar para tirarlle tódolo seu xugo.

E é que a xestión da innovación coma un elemento necesario sobre o que traballar dun xeito organizado e sistemático, é un concepto tan potente, tan preciso,  que ningún/ha emprendedor/a que se precie debe pasar por alto.

Porque, aínda que a sorte pode axudar, todo negocio de éxito baséase en traballo, traballo e máis traballo, dende o antes do seu nacemento ata a súa consolidación... e por iso emprendedores/as, temos que estar atentos/as e alerta a tódalas novas ferramentas, informacións e recursos que nos permitan manternos nun proceso de mellora constante.


Quedan sobre a mesa propostas de lectura como "El arte de la guerra" de Sun Tzu; "Fish" de John Christensen & Stephen London & Harry Paul, "Quién se ha llevado mi queso" de Spencer Johnson, "Hagakure" de Yamamoto Tsunetomo, e "La felicidad como ventaja", de Shawn Achor, feitas entre todos,  tra-la charla, nun ambiente máis relaxado no momento networking final.

Non podo pechar este resume sen agradecer especialmente as aportación de Esther Medraño González e Emma Martínez Ovín, socias de Vinculo Centro de Atención Temprana, que con sinceridade e grande madurez, compartiron cos asistentes a súa experiencia de emprendimento.



É unha sorte poder contar con todos vós, e xa empezo a contar os días para organiza-la seguinte edición do Aula do Emprendedor  ^_^.

Tirapadianting sempre, emprendedores/as!!!! =)




17 jul 2012

CREACIÓN DE PROXECTOS DE EMPRESA. BIC GALICIA.

Bos días!!!!

Na Axencia de Desenvolvemento Local do Concello de Cangas seguimos enfocados/as no emprendemento.  Por esta razón, e froito dun convenio de colaboración entre o Concello de Cangas e Bic Galicia, podemos ofrecervos no mes de setembro o curso "Creación de proxectos de empresa- Planificación Empresarial" , de 35 horas.

É unha acción formativa dirixida a emprendedores/as cunha idea empresarial previa. Esta idea se avaliará polo miúdo por cada promotor/a durante o curso, co obxecto de  estudia-la súa viabilidade económica, e saber polo tanto, de xeito previo, se terá éxito ou non.

As sesións realizaranse en horario de 9 a 14 horas na Casa de Oficios Lorenzo Corbacho, en Cangas.

Para poder participar, é necesaria a vosa preinscripción antes do día 24 de agosto, coma sempre, nas oficiñas da Axencia de Desenvolvemento Local do Concello de Cangas, ou ben por teléfono (986 301 371), ou mail (adlcangas@gmail.com).

Asemade, o día 5 de setembro Bic Galicia realizará unha entrevista obrigatoria previa para a avaliación dos proxectos participantes.



Programa:

Emprendedor e Empresa: 11/09/2012
O ámbito de actuación da empresa: 12/09/2012
Os procesos e a organización interna (I): 13/09/2012
Os procesos e a organización interna (II): 14/09/2012

Tutoría 1: Evaluación da memoria descriptiva do proxecto: 18/09/2012

A viabilidade económica e financeira da empresa (I): 24/09/2012
A viabilidade económica e financeira da empresa (II): 26/09/2012
A viabilidade económica e financeira da empresa (III): 28/09/2012

Tutoría 2: Avaliación do plan económico e financeiro: 01/10/2012

Máis información, aquí: "Curso de Creación de Proxectos de Empresa"

Nos vemos, emprendedores/as!!!





16 jul 2012

A XESTIÓN DA INNOVACIÓN. 26 DE XULLO NO AULA DO EMPRENDEDOR/A



Bos días!!!

Ríos de tinta corren en  medios de comunicación e publicacións de todo tipo sobre a INNOVACIÓN, e todo o que ela implica: creatividade, estratexia, coñecemento, enfoque, investigación... constituíndose en tendencia, en recurso imprescindible que debe manexar un/ha emprendedor/a, sobre todo en situacións de incertidume e escasez de recursos coma o actual.

A innovación é pois un elemento que debemos ter sempre presente nas nosas ideas, proxectos e reflexións.


O vindeiro xoves 26 de xullo o AULA DO EMPRENDEDOR contará coa axuda innestimable de David Sotelo Seguín,  consultor fiscal e de negocios en  masmetodo , así como a colaboración de Esther Medraño González e Emma María Martínez Ovin, socias de Vínculo Centro de Atención Temprana, cos/coas que traballaremos sobre o tema "Orientación e xestión da innovación nos novos proxectos empresariais"

Será, como sempre, de 10:30 a 12:00 horas, na Casa de Oficios Lorenzo Corbacho, gratuíta, e precisando-la vosa inscripción previa nas nosas oficiñas, ou ben por teléfono 986 301 371, ou mail: adlcangas@gmail.com.

Aquí vos deixo unha breve reseña do obradoiro.

Nos vemos  o día 26 de xullo emprendedores/as!!!! =)



"ORIENTACIÓN E XESTIÓN DE INNOVACIÓN NOS NOVOS PROXECTOS EMPRESARIAIS"

Misión e obxectivos:

Achega-los/as emprendedores/as da zona á innovación, e dotalos/as de ferramentas que lles permitan idear un negocio innovacior.

Os obxectivos serán:
- Explica-lo que significa innovación e por qué é necesario o seu uso actualmente
- Explica-lo que é un modelo de negocio
- Exposición do proxecto empresarial Vïnculo Centro de Atención Temprana coas súas dúas socias: Esther Medraño e Emma Martínez.

Metodoloxía:

O poñente introducirá ós/ás asistentes no concepto de innovación e a aplicación de feramentas para a xestión da mesmo.
A parte práctica  apoiará o componente divulgativo da charla por medio da análise un exemplo cercano innovador.

O emprego dun método para a xestión da innovación, permitirá ós/ás asistentes á charla coñecer de primeira man un sistema para:
- Dar forma a un negocio.
- Validar unha idea de negocio.
- Orienta-la innovación ó proceso creativo dun proxecto empresarial.

Orden do día: 

10:30: Presentación.
           Definición de innovación, relevancia actual e descripción dun modelo de negocio.
           Introducción ó funcionamento dun modelo de negocio e análise do proxecto empresarial    "Vínculo Centro de Atención Temprana"
           Consultas e conclusións.
12:00: Despedida e peche.


11 jul 2012

O "BOCA A BOCA" PARA ATOPAR EMPREGO


É un feito que apenas atopamos ofertas de emprego que se axusten ao noso perfil, ou directamente non encontramos ofertas de emprego. A pregunta que debemos facernos é se non hai ofertas ou se pola contra, non estamos buscando no lugar axeitado.

Neste novo escenario, unha gran porcentaxe de ofertas non se publican ou xa están asignadas antes de que comece a selección, existe un mercado de traballo oculto, ofertas de emprego que nunca ven a luz, que nunca chegan a publicarse pero que pola contra, acaban cubríndose.

As empresas víronse obrigadas a utilizar novas ferramentas (ou non tan novas se botamos unha ollada á historia no recrutamento de persoal) e modelos para captar a los candidatos/as idóneos/as.

Por qué gastar en caros procesos de selección cando os/as traballadores/as da organización poden resultar excelentes recrutadores/as, capaces de presentarnos candidatos e candidatas axeitados ao posto a cubrir? Nestes tempos que corren, quen non ten entre os seus familiares, amigos/as, coñecidos/as, colegas, etc. excelentes profesionais en transición?

Entonces cómo podo acceder a ese mercado oculto? Cómo podo participar del?.

Relacionándonos, está será a pedra angular do “networking”, continuamente estamos participando en actividades con descoñecidos/as, excursións, actividades de grupos, reunións profesionais, etc. Debemos saír da casa e participar en actividades sociais onde dar unha imaxe, onde mellorar a opinión persoal e profesional que os demais teñen de ti, pero o que é máis importante, onde facer aos demais partícipes da túa busca de emprego.

Fai un listado de contactos, descobre cantas persoas coñeces e organiza esa información, sorprenderaste da cantidade de persoas que podes incluír nesa lista, familiares próximos e afastados, amigos/as e amigos/as de amigos/as, coñecidos/as, veciños/as, pero tamén os relacionados co traballo, compañeiros/as anteriores, provedores/as, xefes/as etc.

Móstrate no mundo, se positivo/a e activo/a, non es un/ha desempregado/a máis, es un/ha profesional en transito, e esa é a información que debes transmitir a todos os teus contactos, aproveitando a más mínima ocasión para mostrar as túas capacidades persoais e laborais e buscar o momento axeitado para lanzar a túa mensaxe.

Pero que mensaxe transmito se estou desempregado/a, os meus amigos/as están desempregados/as, o panorama cada vez é peor? Isto é o último que debes transmitir, cada persoa ten a súa opinión da situación que estamos a vivir pero una cousa é segura, ninguén quere xente negativa o seu arredor, apostarías a túa reputación laboral na túa empresa recomendando a unha persoa que sempre se está a queixar de todo? Pois tampouco o fará a persoa á que transmitas esa mensaxe.

A mensaxe que debes transmitir debe ser clara e concisa, sempre cunha actitude positiva que todo o mundo saiba que estás en tránsito. Pensa en todas esas cousas que sempre queres facer pero non tes tempo cando estás a traballar: visitar zonas próximas (sorprenderíache a xente coa que podes chegar a coincidir nunha ruta de sendeirismo) ,visitar amigos/as, facer ese curso de fotografía que tanto te apaixona, mellorar o teu inglés, ou ampliar as túas destrezas laborais nese programa informático que se te resiste. Así cambiará a túa actitude, e cando teñas a oportunidade de facer “networking” falarás nun ton positivo sobre o que estás a facer, e así como quen  non quere a cousa, poderás informar que fas todo iso en tanto non encontras traballo de....

 “Se concreto/a . Un profesional non busca traballo de calquera cousa, busca unha profesión, pero e que ademais a mente humana é selectiva, o que quere dicir que se informas que buscas traballo de “cociñeiro” esa persoa pode facilitarche un contacto de “cociñeiro” pero eu aínda non vin ningún anuncio que diga “necesitase persoa para calquera cosa”, e ti?.

José María García Velázquez. Orientador laboral clube-3.

10 jul 2012

EMPRENDENDO....CON INTERPYME


Bos días emprendedores/as!!

Hoxe fai unha semana do  excelente obradoiro "Emprendendo...por onde empezar? Tendencias de mercado, sectores emerxentes e recursos endóxenos", impartido por Tito Iglesias e Mercedes Fernández de Interpyme.



No mesmo, nos enfocamos en puntos fortes e tendencias de mercado, analizando experiencias emprendedoras como "O Recuncho da Xoubiña", "A Caruxa", "Atalaia" e "Saramagal".

Vos deixo as recomendacións finais de Tito e Merchi para seguir desenvolvendo o noso espíritu emprendedor.

1. Toma o punto de vista do/a "cultivador/a"
2. Coñécete a tí mesmo/a.
3. Aprende a comunicar eficazmente, e desenvolve as túas habilidades comerciais.
4. Mantente atento/a ó teu entorno. Aficiónate a algo.
5. Viaxa.
6. Mantente activo/a, participa en actividades.
7. Fórmate.

Unha aperta a todos/as, e, xa sabedes, #Tirapadianting sempre! ;-)


25 jun 2012

EMPRENDENDO...POR ÓNDE EMPEZAR? RETOMAMOS O AULA DO EMPRENDEDOR/A.


Chega o verán, un momento no que emprendedores/a e buscadores/as deberemos estar máis atentos/as que nunca para poder detectar oportunidades que nos permitan acadar ou crear o emprego que procuramos.

 Por ese motivo,  o Concello de Cangas volta a poñer en funcionamento a AULA DO EMPRENDEDOR.

Neste caso, grazas a un acordo de colaboración  entre Concello de Cangas, Fecimo e as principais asesorías e consultorías do municipio, os/as emprendedores/as do municipio e persoas interesadas polo autoemprego en xeral, poderán acudir de xeito gratuíto a uns obradoiros prácticos e interactivos que axuden a aclarar dúbidas e doten  ós/ás asistentes de formación específica neste tema.

Comezaremos o martes 3 de xullo co obradoiro “Emprendendo... por ónde empezar”, impartido por Tito Iglesias Pastoriza e Mercedes Fernández Gestido, da empresa Interpyme, ás 10:30 horas na Casa de Oficios Lorenzo Corbacho en Cangas. Queredes saber de qué vai??




Emprendendo…¿por onde empezar?  Tendencias de mercado, sectores emerxentes e recursos endóxenos.


Na cabeza do emprendedor/a descorren numerosas ideas, unhas poucas  poden derivar en proxectos e algún deses proxectos poden concluír nunha iniciativa empresarial.

As ideas emprendedoras non xorden gratuitamente, solen nacer a partir da observación do entorno,  da captación de tendencias e oportunidades que nos ofrece o territorio, a sociedade, a economía, etc. unido ás propias capacidades e formación do emprendedor/a.

Así pois, é preciso mellorar a sensibilidade e capacidade dos emprendedores/as para detectar e captar oportunidades de negocio a partir de tendencias do entorno e outras experiencias empresariais.


Obxectivos

§         Saber identificar os puntos fortes do emprendedor/a.
§         Mellorar a sensibilidade e capacidade de identificar tendencias,  oportunidades e recursos endóxenos.
§         Favorecer a actitude e a sensibilidade emprendedora.
§         Dar a coñecer o concepto de proposta de valor.
§         Identificar as fases previas a una iniciativa emprendedora.


Metodoloxía

Os poñentes coñecen de primeira man experiencias emprendedores que recentemente se deron no noso entorno. A partir destes casos  se  establecerá un diálogo cos asistentes cara a identificar os puntos fortes e as tendencias que favorecen o desenvolvemento de tales proxectos. Este diálogo servirá para activar mentalmente os participantes, clarificar conceptos e mellorar a capacidade para identificar ideas emprendedoras.


Programa

  • Presentación
  • Introdución dós conceptos: fortalezas, oportunidade e proposta de valor.
  • Exposición de pequenas experiencias emprendedoras do noso entorno, análise e diálogo cós participantes.
  • As fases previas a una iniciativa emprendedora.
  • Conclusións
  
Dirixido a  empresarios e potenciais emprendedores


Data: Martes 3 de xullo de 2012
Lugar: Casa de Oficios Lorenzo Corbacho
Hora: 10:30 horas
Duración aproximada: 1 hora e media.
Necesaria preinscripción nas oficiñas da Axencia de Desenvolvemento Local de Cangas.

ESPERÁMOSVOS!!!




7 jun 2012

CONSELLOS PARA QUE O TEU CURRÍCULO DESTAQUE


Bos días!!

O que sabemos todos/as hoxe en día é que para a maioría das ofertas de traballo hai moitas candidaturas para un mesmo posto, pero non por iso imos a deixar de presentar o noso currículo. 
O noso obxectivo é conseguir unha entrevista,  pero...¿ qué podemos facer para que o noso currículo destaque de entre os demáis? 

De seguido daremos algúns consellos:


·        Hai que coidar a presentación. Aínda que pareza obvio, debe estar escrito a ordenador, sen faltas de ortografía e sen tachóns. Por poñer un exemplo: se cambiaches de número de teléfono,tes que facer un novo currículo, non taches o anterior e o poñas a man, pois da mala imaxe.

·        Á hora de redactalo, debes elixir unha letra normal (arial, times new roman…)porque senón dificultarás a lectura, e dun tamaño de ata 12 puntos, e manter as marxes.

·        Resalta o máis importante, como os datos persoais: debes deixalos ben claros. O nome e sobre todo o medio de contacto, ben sexa o teléfono ou/e o email.

·        O CV ten que ser claro e conciso. O que queremos dicir é que evites usar frases que non aporten nada ou frases feitas.

·        Como saberás xa, o CV non debe ter máis de dúas páxinas, preferiblemente debe ter unha. No caso de que teñas moita experiencia ou/e formación, e non te colle nunha soa páxina, non debes comprimir a información, posto que tampouco se vería moi ben nin se entendería, incluso daría mala imaxe, neste caso, o que poderías facer é poñer a experiencia ou a formación referida ao posto.

·        Usa palabras curtas e frases breves para evitar erros de comunicación cando redactes o currículo. E tamén evita as abreviaturas porque se non son moi obvias pode inducir ao erro.

·       Inclúe unha foto actual e de tamaño carné, destinada para o currículo. Preferiblemente posta arriba á  dereita,posto que é máis visible.

·        Non esquezas adapta-lo currículo a cada oferta de emprego que o envíes. E aínda que  fagas autocandidatura tamén o debes adaptar, ¿cómo? pois investigando a empresa, sabendo qué postos existen nela,  para saber que perfil poden precisar.

Jenifer Cristóbal Fernández. Orientadora laboral.

16 abr 2012

LISTADO ETTs PONTEVEDRA

Luns, día sollío de primaveira tra-las vacacións de Semana Santa.... hoxe semella un bo día para retomar as visitas ás ETTs, organismos que non podemos esquecer se intentamos levar a cabo unha busca de emprego efectiva.

Para facilitarvos este trámite, aquí vos deixo un listado das principais empresas de traballo temporal da nosa zona.

Un saúdo e a por todas!!! =)







11 abr 2012

PROFESIONALES EN TRÁNSITO

Durante moitos anos, buscar traballo xa era considerado un traballo en si, todo bo manual para buscadores de emprego, relataba e relata unha serie de tarefas de obrigado cumprimento,famosas foron as axendas onde anotar las accións diarias, semanais e mensuais na busca de emprego, as listas de contactos, de empresas onde deixar o C.V, etc.

Nesta realidade, que divide os medios de produción da forza do traballo, os profesionais eran considerados como entes estáticos, persoas que adquiriran unha formación e/ou experiencia que os capacitaba para exercer unha profesión, coa única obriga de encontrar ao empregador que lles permitira demostrar ditos coñecementos e destrezas aumentando os beneficios da organización nunha especie de simbiose de por vida.

Que se está a producir un cambio é innegable, que sexa a mellor ou a peor dependerá en boa medida de como sexamos capaces de adaptarnos a estes novos cambios, de cómo sexamos capaces de transitar dun modelo a outro.

Do mesmo xeito que a revolución industrial despobou o campo de man de obra para encher as industrias, que trouxo prosperidade e mellores condicións laborais, agora transitamos a un novo modelo que está a despoboar ditas industrias e desmontando o que ata agora coñecíamos.

A nova situación que estamos a vivir, obríganos a reinventarnos e moi probablemente o novo modelo que se aveciña nos obrigue a facelo de xeito continuado, dándolle un dobre sentido ao concepto de tránsito.

Tránsito porque tal e como se presenta o futuro, nada volverá a ser como antes,a nosa vida será un continuo tránsito, aprendendo e desaprendendo unha e outra vez obrigándonos a reinventarnos continuamente,  a pensar en novas ideas de negocio, a potenciar o talento, a innovación e o desenvolvemento.

E tránsito que nos obriga a estar a cabalo dun modelo e outro, desconcertados, como aquel labrego que tiña que abandonar el campo rumbo á cidade, ao descoñecido intentando descubrir que nos pode servir do que coñecemos, como aproveitar a nosa formación e experiencia, desconcertados porque nunca saberemos en qué momento e onde utilizar a nosa axenda de busca de emprego e en qué momento e onde utilizar a nosa capacidade de desaprender e aprender.

Ábrese un novo mundo de oportunidades, de ti depende adaptarte, superarte y aproveitar as bondades de todo cambio, ou pola contra quedar estancado en vellos modelos e estruturas caducas. O mundo está aí, ti estás aí, descubre un novo mundo a túa imaxe e semellanza.

Que a sorte te acompañe!

José María García Velázquez. Orientador laboral Clube do Emprego-3.

22 mar 2012

AVALIEMOS A NOSA PROCURA DE EMPREGO



Á hora de atopar un emprego, é fundamental que manteñamos unha actitude de autoavaliación constante que nos permita detectar posibles melloras que incorporar ó nosos hábitos. 
Temos moitas ferramentas ó noso alcance. Realmente estamos aproveitando todas elas?

Aquí vos deixamos unha check-list:

  •   Servizo Galego de Colocación: Neste servizo podemos atopar ofertas de emprego e ofertas de formación. Tamén dispón dunha páxina web: www.emprego.xunta.es na que podemos consultar os seus servizos.
  • As Empresas de Traballo Temporal (ETT), estas son servizos de intermediación entre a empresa contratante e os buscadores de emprego.Tamén teñen buscadores de ofertas de emprego a través das súas páxinas web.
  • Bolsas de Emprego; trátase dun listado que teñen algunhas empresas para cubrir postos de forma eventual, ven sexa para cubrir baixas, vacacións, etc…Estas dánse tanto nas empresas privadas como no sector público, neste último caso, o máis habitual son as listas de substitución.
  • Autocandidatura, é dicir a visita directa a empresas para entrega-lo  noso currículo. Antes de comezar é importante que fagamos unha lista das empresas interesantes, e que coñezamos un pouco a actividade da empresa antes de enviarllo.A autocandidatura ata o de agora é a máis usada pero a máis frustante, pois non se conseguen resultados inmediatos, senón que se poden conseguir a longo prazo, pero é igualmente efectiva. A autocandidatura, como sabemos, normalmente faise de forma presencial, pero é ben certo que tendo internet é máis facil, así que outra posibilidade é envialo por email. Ou ben,se teñen páxina web, pois por medio da web.Unha das preguntas máis frecuentes é: pódese repetir a autocandidatura na mesma empresa na que xa o fixemos? Pois si, pódese, pero non todas as semanas, senón cada 2 ou 3 meses, ou ben nos enteramos que hai unha oferta de emprego, ou, dependendo do sector, se comeza unha tempada alta, tamén podemos volver a deixar o currículo. Para isto hai que levar un control das empresas as que llo enviamos.
  • Rede de Contactos ou Networking: é un recurso complementario que nunca debe faltar na nosa busca planificada de emprego. Se trata de que a  xente que coñezamos saiba que estamos buscando emprego e qué emprego buscamos, para que si saben dalgún posto vacante nos avisen para poder poñernos en contacto coa empresa para ocupar ese posto ou ben nos recomenden. Para poder sacarlle partido a rede é recomendable que fagamos unha lista coa xente que coñezamos; primeiramente os familiares, amigos, coñecidos, antigos compañeiros de traballo, xefes...e cos datos que consideredes importantes, por exemplo; o seu teléfono de contacto e/ou o mail, se está traballando, e en que sector ou está desempregado, etc. Hai que decatarse de que nós tamén formamos parte da rede, e debemos facelo mesmo cos demais se queremos recibir resposta.

Así pois,  aínda que hoxe en día atopar o emprego que buscamos non é doado, é posible, simplemente debemos organiza-lo tempo que invertimos en buscar emprego, para que sexa efectivo, non esquecer que , un dos fallos que cometemos todos cando comezamos é tentar facelo todo nun mesmo día,  e despois deixalo por semanas. A clave é a constancia.

Jenifer Cristóbal Fernández. Orientadora laboral.

13 mar 2012

E TÍ... TÉS CLARO O TEU OBXECTIVO PROFESIONAL?



Mamá, de maior quero ser artista!

Qué emprego buscas? Cales son os teus obxectivos profesionais? Antes de comezar a túa busca de emprego tes que ter claro qué vas buscar. A primeira actividade do teu plan de busca de emprego será definir un obxectivo profesional.

Pero cómo defino o meu obxectivo profesional?

O primeiro que tes que facer é definir en qué profesional te queres converter ou en qué área queres desenvolver as túas competencias. O investimento que vas a ter que facer é grande en tempo, recursos e tamén por qué non, en cartos. Toma o teu tempo, porque aínda que sempre poderás cambiar o teu obxectivo profesional, terás que volver a repetir os pasos anteriores. Lembra que "aprendiz de todo e mestre de nada" non é unha alternativa.

Sabes en qué queres traballar? Sabes se es un bo profesional nese área? Se contestaches afirmativamente á primeira pregunta terás que pasar necesariamente á segunda. Seguro que sempre che gustaron las películas de investigación, aquí tes a túa oportunidade de pasar á acción. Descobre qué titulación se necesita (si non a tes, terás que comezar por aí), se debes especializarte nalgún campo en concreto (gústache máis o dereito penal ou laboral, a cociña ou a barra do bar), en qué condicións se desenvolve esa profesión (encántame poñer copas pola noite, pero os fins de semana son para pasalos en familia) qué horarios, qué tipo de empresas desenvolven esas actividades.Se as túas dotes de detective non se atopan entre os teus puntos fortes, sempre podes pasarte por calquera servizo de orientación, público ou privado, mirar as especialidades de formación profesional ou certificados de profesionalidade, os cursos de formación ocupacional dos servizos públicos de emprego, pregunta a amigos o coñecidos sobre o seu traballo.

Especialízate, se cres que xa tes unha profesión, uns estudos ou unha experiencia profesional, busca a excelencia, fai un listado de todas aquelas cousas que poidan mellorar a túa empregabilidade.

Se xa elixiches o teu obxectivo profesional, agora tes que marcarte un plan de traballo, canto tempo vas a dedicarlle: diario, semanal, mensual, en definitiva, márcate obxectivos a corto, medio e longo prazo e lembra que seguir o teu obxectivo profesional implica participar en cursos e actividades de formación relacionados coas profesións que elixiches.

Seguir o teu obxectivo profesional non significa que non poidamos traballar noutra cousa, se necesitamos cartos, é inevitable ter que traballar, pero procura que ese traballo interfira o menos posible no teu obxectivo profesional, porque iso será o que te fará feliz no teu traballo.

José María García Velázquez. Orientador laboral.

PRESENTACIÓN FOTOGRÁFICA CLUBE EMPREGO-3

Boas noites a todos/as!!

Estaba repasando este blogue que tantas veces estou a piques de actualizar, e me acabo de decatar que non temos recollida aínda a excelente presentación fotográfica que realizou con tanto cariño  Fredo, informático do Clube do Emprego-3.

Así que aquí nos queda  =).

Fredo, Auri, Jenni, e José María... unha aperta!!

17 ene 2012

INFORME DE RESULTADOS CLUBE DE EMPREGO-3

Bos días as todos/as,

Despois de catro meses e medio a todo gas dinamizando a poboación local na busca de emprego dentro do proxecto Clube do Emprego-3, chega o momento de facer balance final, e analizar os resultados derivados desta experiencia.



Como sabedes, os servizos ofrecidos foron básicamente os prestados nas anteriores edicións:

- Asesoramento laboral
- Bolsa de emprego
- Obradoiros
- Fomento das Tics
- Fomento do Emprendedurismo

pero si  algo  temos que destacar dentro das principais melloras levadas a cabo neste periodo (19 agosto a 31 de decembro de 2011), mencionaríamos o reforzamento espectacular dos obradoiros  impartíndose un total de 27 accións formativas das que se beneficiaron máis de 300 asistentes.

NOME
DATA IMPARTICION
Nº PARTICIPANTES
1
ATENCIÓN Ó CLIENTE
05/09/2011
26
2
ENTREVISTAS I
07/09/2011
10
3
ENTREVISTAS II
09/09/2011
7
4
ENTREVISTAS III
15/09/2011
8
5
CERTIFICADOS DE PROFESIONALIDAD
16/09/2011
14
6
COMUNICACIÓN EFICAZ
23/09/2011
22
7
ENTREVISTAS IV
26/09/2011
15
8
ESCOITA ACTIVA
29/09/2011
17
9
OBXETIVO PROFESIONAL I
03/04/2011
14
10
CORREO ELECTRONICO I
04/10/2011
12
11
ASERTIVIDADE
06/10/2011
16
12
ENTREVISTAS V
10/10/2011
10
13
BÚSQUEDA EMPREGO POR INTERNET I
11/10/2011
12
14
HABILIDADES SOCIAIS PARA O EMPRE.
13/10/2011
10
15
OBXETIVO PROFESIONAL II
17/10/2011
6
16
CORREO ELECTRONICO II
18/10/2011
8
17
ORGANIZACIÓN DO TEMPO
20/10/2011
15
18
ENTREVISTAS VI
24/10/2011
10
19
BÚSQUEDA EMPREGO POR INTERNET II
25/10/2011
11
20
BUSCA ACTIVA DE EMPREGO
27/10/2011
5
21
COMO FACER QUE DESTAQUE O C.V.
31/10/2011
11
22
CREACIÓN CONTA CORREO LECTRONICA
15/11/2011
4
23
REFORZO CORREO ELECTRONICO
16/11/2011
9
24
BUSCA DE EMPREGO POR INTERNET
17/11/2011
4
25
CONTROL DE ESTRÉS/ ANSIEDADE
22/11/2011
10
26
NETWORKING
24/11/2011
11
27
COMUNICACIÓN EFICAZ
29/11/2011
6

TOTAL
303



Tamén temos que destacar o incremento de empresas colaboradoras co Clube do Emprego de Cangas, que ascenden xa a 99, así como os 10.281 mails enviados ós/as nosos/as socios/as, difundindo un total de  472 ofertas de emprego, grazas os cales atoparon  emprego 73 usuarios/as (28 homes e 45 mulleres).




Pero non só nós temos que facer esta labor de análise, grazas a vosa colaboración contestando ás enquisas enviadas, obtivemos uns datos moi valiosos, quizais obxecto doutro post máis pormenorizado, destacando que un 97% dos usuarios/as utilizarían de novo este servizo.



Qué máis podemos dicir??? Pois que agradecemos sinceramente a vosa participación e que esperamos vervos nunha próxima edición.

Saúdos:

Jennifer Cristóbal Fernández
Alfredo Ríos García
José María García Velázquez
Áurea Villar Fandiño
Carmen Fandiño Docío