21 dic 2011

CANGAS COA PROMOCIÓN DO EMPRENDIMENTO

<a href="http://www.foto-gratis.es">Foto Gratis</a>



Bos días!

Sobre todo con esta que está caendo estes días, dende a Axencia de Desenvolvemento Local do Concello de Cangas continuamos coa idea do autoemprego como forma de mellora-la nosa realidade neste contorno xeral  de crise e abatimento.

Temos  en conta o voso grande acollemento ós diversos seminarios  celebrados coa colaboración de Bic- Balicia “Seminario de Motivación Emprendedora”, "Mesa Redonda de Motivación Emprendedora" e "Seminario de Xeración e Maduración de Ideas", impartidos entre os meses de outubro e decembro de 2011, e imos continuar avanzando neste camiño xa con medios propios, buscando artellar unha rede de emprendedores/as sólida e con contido.

É por iso que vos propoñemos participar connosco nunha serie de acións formativas que melloren as vosas habilidades como emprendedores/as

Crearemos un lugar de encontro onde poder compartir, desenvolver e experimentar habilidades e capacidades como  confianza en nós mesmos, creatividade, superación do fracaso, o risco ou a capacidade de acción, de aprender e desaprender, de pescudar, etc.

En definitiva habilidades, coñecementos e actitudes que todos debemos levar na nosa mochila, poñelas en práctica ante unha oportunidade de negocio, desenvolvelas e amplialas e como non, compartilas.

Ímosvos propoñer tres datas de encontro cun componente global, a idea de “emprender” focalizando en cada un deles as habilidades e capacidades dun bo emprendedor ou emprendedora.

Contamos convosco!

Luns 26 de decembro de 2011. Casa de Oficios Lorenzo Corbacho. Entre as10:00 e as 12:00 horas, traballando Risco, Superación do Fracaso e Confianza.

Xoves 29 de decembro de 2011. Casa de Oficios Lorenzo Corbacho. Entre as 10:00 e as 12:00 horas  , reforzando  Motivación, Creatividad, Capacidad de Acción.

Martes 10 de xaneiro de 2012. Casa de Oficios Lorenzo Corbacho. 10:00 – 12:00, ocupándonos de Flexibilidade, Capacidade de Aprender e Desaprender, Pescudar.


Interesante, verdade?

Necesaria inscripción previa nas nosas oficiñas ou vía mail adlcangas@gmail.com ou facebook http://www.facebook.com/adlcangas.

7 oct 2011

MOTIVACIÓN EMPRENDEDORA 28 OUTUBRO CANGAS

"http://www.foto-gratis.es"

Bos días,

Nestes momentos de inseguridades e incertezas, de "cambios de escenario", por dicilo dun xeito suave, é necesario estar alerta, atento/a a calqueira oportunidade.... é preciso valora-lo autoemprego.

E para facer unha valoración é obvio que debemos informarnos, contrastar puntos de vista, escoitar exemplos, interactuar..., é dicir, saír de detrás do parapeto do noso ordenador, últimamente gurú e máximo expoñente da nosa busca de emprego, e acudir a seminarios coma éste que organizamos en Cangas, onde vos queremos presentar un xeito alternativo de gañarse a vida: decidirse e emprender.

Aquí vos contamos todo sobre este evento, contaremos convosco?

SEMINARIO DE MOTIVACIÓN EMPRENDEDORA EN CANGAS

O vindeiro venres, 28 de outubro de 2011, ás 10:00 horas, terá lugar en Cangas o “SEMINARIO DE MOTIVACIÓN EMPRESARIAL”, organizado pola Axencia de Emprego e Desenvolvemento Local do Concello de Cangas, e impartido por BIC Galicia en colaboración co IGAPE.

Este Seminario, de carácter gratuito e cunha duración aproximada de 3 horas, terá como obxectivo que os asistentes valoren o autoemprego coma unha opción máis, proporcionando información relevante, recursos e ferramentas para a creación dunha empresa.

Se buscará un enfoque práctico, con exemplos e difusión de boas prácticas, e unha emprendedora afincada en Cangas relatará a súa experiencia coma empresaria.

Será o pistoletazo de saída do “Aula do Emprendedor”, servizo que se prestará como novidade no ámbito do Clube do Emprego-3, ante o importante incremento de “emprendedores/as por necesidade” que buscan no autoemprego a súa saída profesional.

INFORMACIÓN E INSCRICIÓNS: Ata o martes 25 de outubro na Axencia de Emprego e Desenvolvemento Local do Concello de Cangas.

Un saúdo, buscadores/as!!!!

4 oct 2011

HISTORIA DUN TIRAPADIANTING.



Ola a todos e todas.

Despois do merecido descanso estival, polo menos en canto a imaxinación e creatividade literaria, voltamos a publicar no blog.... e temos moito que contar!!!

Comezaremos conmemorando o nacemento do noso "#TIRAPADIANTING!!!". Un ano levamos usando xa este palabro cangués que resume a sabiduría dos nosos ancestros que dín que "ó mal tempo boa cara" e que te "vaias chorar a Cangas", pero tuneado coas armas do coaching, que hoxe en día son de grande actualidade.

E xa sabemos que o nome non é nin moi académico, nin excesivamente novedoso, incluso se pode tachar de "pouco inxenioso"... pero tanto nos ten ós que pasamos bos momentos buscando citas motivadoras, pezas musicais con marcha, ou artigos entusiastas que leven a contraria a este sentimento neboento que se extende con rapidez na nosa sociedade.

Así que, non o esquezades, #TIRAPADIANTING!!! sempre, porque non nos queda outra, e porque é, sen dúbida, o que temos que facer.

Un saúdo, buscadores/as!!!


8 jul 2011

CÓMO SUPERAR AS PROBAS DE SELECCIÓN


Chega o verán... e aumentan de xeito exponencial as nosas posibilidades de acudir a unha entrevista de traballo, proba de selección e demáis para cubrir postos de carácter estacional.

Como aínda non temos aberto o "Clube do Emprego", e nos parece fundamental preparar estes temas, dende a Axencia de Desenvolvemento Local do Concello de Cangas, vos queremos dar uns pequenos consellos para que superedes estes molestos trámites e acadedes os vosos obxectivos profesionais.

Aquí tedes os tipos de probas que vos podedes atopar:

TIPOS DE PROBAS

Probas profesionais

Evalúan coñecementos propios dunha profesión

· Probas e exámes profesionais.

· Cuestionarios técnicos.

· Exercicios de simulación.

Probas psicotécnicas

Evalúan o potencial do candidato/a

De aptitud ou eficiencia

· Intelixencia xeral.
· Razoamento abstracto.
· Numéricas.
· Espaciais.
· Mecánicas.
· Capacidade verbal.
· Capacidade sensorial, etc.

· De personalidade.

Dinámicas de grupo

Evalúan o comportamento dun candidato dentro do grupo

Simulacións

· Situacións "reais".
· Situación dual.
· Situacións de grupo.


... Pero, cómo nos enfrentamos a elas?? Os/as expertos/as recomendan:

1. Controla os teus nervos. Non te axudarán a pasar a proba e poden facer que des a impresión de ser unha persoa intranquila. O mellor é mostrar unha actitude de confianza.

2. Sé sinceiro/a, pero véndete ben.
Concéntrate en ser auténtico/a, xa que existen xeitos de medi-lo grao de sinceridade.

3.Sé espontáneo/a.
Non penses demasiado no que vas a contestar. Se lle das moitas voltas pensarán que es moi dubitativo/a.

4.No caso dos test, se ningunha das alternativas que che ofrecen como respuesta corresponde coa túa forma de ser, elixe a que máis se aproxime.

5. Entrénate, practica, simula, domina a situación.

Qué vos parece? Faciliño... verdade??? Sorte. TIRAPADIANTING!!!! ;D

26 abr 2011

CONSELLOS PARA EVITAR ESTAFAS NA BUSCA DE EMPREGO

Onte pola tarde, puxen a tele, e nun programa destes de reality baseados en testimonios, unha nai contaba, desesperada, coma os seus fillos e o seu marido, en desemprego, foran enganados por falsas empresas que quitaron proveito económico do seu desexo de atopar un traballo.

Ao marxe da dudosa credibilidade deste tipo de magacines, que operan en base a obxectivos de audiencia, o problema prantexado era real, e cada vez máis frecuente.

Non sei se existen mecanismos legais contundentes para frear este tipo de prácticas abusivas, pero a información e o senso común son as nosas mellores armas para, dende os feitos, evita-la súa proliferación.

A continuación vos deixamos unha serie de consellos, que vos farán reflexionar e estar sempre alerta, buscadores/as, dende a atalaia do coñecemento.




CONSELLOS PARA EVITAR FALSOS ANUNCIOS - ESTAFAS EN LIÑA – E ABUSO DO TRABALLO

En tempos de desemprego os anuncios, e os procesos de selección, utilízanse, nalgúns casos para fins fraudulentos, totalmente distintos ós que lle corresponderían. A continuación detallamos unha serie de casos ben coñecidos, e algúns consellos para detectar os falsos anuncios de emprego:

1. Desconfía dos < traballe dende casa > : sobor de todo cando pidan un desembolso económico previo.
2. Ollo cos centros de estudio que ofrecen emprego coa condición de matricularse previamente nun curso. En realidade o que buscan e conseguir o maior número posible de alumnos.
3. Coidado coas empresas de selección que piden cubrir extraños formularios con demasiada información de tipo persoal. Lembra que a información é poder, e poden estar simplemente, buscando información de balde para promocionar productos ou servizos.
4. Atento/a ós anuncios moi xenéricos, que enumeran poucos requisitos ou son moi vagos: ambición, ganas de progresar, dinamismo e cousas polo estilo. Serán con toda probabilidade de perfil comercial e ingresos incertos.
5. Desconfía si o enderezo de contacto que figura no anuncio non te parece lóxico, ou so aparece un número de teléfono que empece por 806 (liñas de pago)
6. Non respondas a ningún anuncio de traballo que requira o teu número de tarxeta de crédito.

19 abr 2011

OPTIMICEMOS OS NOSOS RECURSOS NA BUSCA DE EMPREGO.

O proceso de busca de emprego é, por definición, incerto, tedioso, desmotivante e agotador, e se necesitan grandes doses de autoestima e planificación para dar o cen por cen, nun proceso no que vemos o inicio e o presente, pero non somos quen de vislumbrar cando acadaremos a nosa meta.

Por todo iso é fundamental manterse activo/a, alerta, e cunha actitude aberta ó autoanálise e á mellora constante.

Aquí vos deixo, buscadores/as, un exemplo de cuestionario que nos permite avaliar o noso traballo diario como demandantes activos de emprego, e nos da pistas de como optimiza-lo proceso.

Busquemos a excelencia, esforcémonos, loitemos no convencimento de que estamos facendo todo o posible por acadar o noso obxectivo... e chegaremos á meta sin darnos conta!!!


Autoanálise para a busca de emprego


1. Coñeces as saídas profesionais da túa titulación?
Si □ Non □

2. En qué sector profesional buscas emprego?
........................................................................................................................................................................................

3. Tes un obxectivo profesional definido?
Si □ Non □

4. Onde te ves dentro de cinco anos?
........................................................................................................................................................................................

5. Adicas un tempo á semana á busca de emprego?
Si □ Non □

6. Te organizas para la busca de emprego (axenda de busca, arquivo de C.V. enviados...)?
Si □ Non □

7. Coñeces a situación actual do teu sector profesional no mercado de traballo?
Si □ Non □

8. Sabes ónde buscar emprego? Enumera tres recursos ou fontes de información que utilices
........................................................................................................................................................................................

9. Estás apuntado/a nalgunha bolsa de emprego?
Si □ Non □

10. Sabes qué é o que máis se valora no proceso de selección?
Si □ Non □

11. Sabes cómo elaborar un curriculum vitae orientado os teu logros?
Si □ Non □

12. Sabes cales son os puntos fortes e os puntos débiles do teu currículum?
Si □ Non □
13. Qué dificultades tes ó enfrentarte a unha entrevista de selección?
........................................................................................................................................................................................
14. Qué tipo de probas de selección coñeces? Enuméraas
........................................................................................................................................................................................
15.Pensas que atopar emprego depende fundamentalmente de ti?
Si □ Non □

Si respondeches negativamente á maioría das cuestións, non soubeches moi ben qué contestar ou tiveches dificultades nas tuas respuostas, pode ser que necesites axuda para buscar emprego.

4 abr 2011

AFIPRODEL: DESENVOLVEMENTO LOCAL EXEMPLAR NA COSTA DA MORTE

Asombrada, deslubrada, motivada e inspirada...así é a miña volta á rutina diaria despois do congreso "Marco de Oportunidades para o Desenvolvemento Local"  organizado por Afiprodel en Vimianzo e Corcubión.




Boa organización, excelente programa, trato agradable...e moitas  ideas anotadas no apartado de "pendentes" ás  que darlle unha volta nas próximas semanas. Non se pode pedir máis!

Agradecer  a Afiprodel  a súa iniciativa, especialmente valiosa en momentos como o actual, de cambios e axustes, e manifestarlle que conten conmigo para posibles vindeiras edicións, esta vez como oínte, notebook en man e vida familiar conciliada.

Unha aperta a todos/as.

31 mar 2011

MAÑÁN NOS IMOS A CORCUBIÓN!!!

Bos días a todos/as,

Quería facer unha breve entrada para comentarvos que mañá venres, 1 de abril , imos participar, como Axencia de Desenvolvemento Local de Cangas, nun congreso,  para falar do noso proxecto"Clube do Emprego de Cangas ", e animar a outros concellos a que poñan en marcha iniciativas deste tipo para crear emprego a nivel local.



O facemos porque estamos contentas cos resultados, agradecidas pola  vosa acollida e colaboración, e convencidas de que todavía se pode facer máis e mellor.

Tamén o facemos, evidentemente,  porque a nosa comunicación  foi seleccionada de entre 42 participantes, polos organizadores do congreso Marco de Oportunidades para o Desenvolvemento Local, coma unha boa práctica.

Aquí vos deixamos máis información ...    http://www.afiprodel.org/

Exporemos aproximadamente ás 12:00 horas ( por si alguén se quere achegar).

Pois nada, vos contamos á volta... bo fin de semana!!!

28 mar 2011

RESULTADOS ENQUISAS CLUBE-2



Bos días a todos/as!!!

O prometido é débeda, e hoxe, a golpe de luns, imos publicar os resultados das enquisas de satisfacción do servizo "Clube de Emprego-2".

 Como sabedes, estas enquisas se enviaron, por correo electrónico ós/ás socios/as do Clube, que tiñan que contestar nun prazo máximo de semana e media para que as súas aportacións puidesen ser contabilizadas.

O cuestionario consistía en tres preguntas pechadas, que incluían unha valoración  dos servizos ofrecidos, a intencionalidade de participar ou non en futuras edicións, e a valoración da satisfacción xeral obtida, e unha pregunta aberta de suxerencias.

O tamaño da mostra foi de  365 persoas, é dicir, ó número de socios do clube con correo electrónico, e se recibiron un total de 104 respostas, o que supón un 28% de participación. Moi ben!!!.Grazas a todos/as.

Bueno, imos coa información cuantitativa. Aquí vos publico a vosa valoración sobre os temas tratados.
Estes son, en porcentaxes, os resultados á valoración dos servizos prestados polo Clube:
  • Orientación laboral
  • Envío de ofertas por e-mail
  • Charlas de motivación, entrevista de traballo, autoestima..
  • Sesións formativas de contido informático
  • Consulta de dossiers
  • Perfil de facebook

Podemos destacar que os servizos que vos parecen máis interesantes, os que calificades cunha maior frecuencia coma "moi útiles", son , en orde: o envío de ofertas por e-mail, a elaboración de dossiers, e a orientación laboral e o perfil de facebook.

A segunda pregunta prantexada, ten resultados aplastantes, pois un 94% dos/as usuarios/as repetirían nunha vindeira edición. Bueno, esperamos que xa estedes traballando e non o necesitedes ;-).


 A terceira cuestión, o grado de satisfacción xeral, revela que  hai cousas que mellorar, afortunadamente,  e o dato de que un 89% dos/as usuarios/as están satisteitos/as e moi satisfeitos/as, nos parece enormemente positivo.
 
Por último, respecto ó apartado de suxerencias, agradece-lo voso traballo de reflexión, e dicirvos que as teremos moi en conta para o deseño de futuras edicións.

5 mar 2011

BENVIDOS/AS Ó NOSO BLOG!!!


Quén no-lo ía dicir fai un ano: perfil en Facebook, Twitter, Blog....

Paso a paso a ímonos incorporando ás novas tecnoloxías, como xeito de poñernos en contacto con persoas coma vós:  emprendedores/as, buscadores/a de emprego, estudantes, empresas, organizacións, poboación en xeral, porque estamos na era do global, e porque chegamos a un punto en que xa non nos apetece quedarnos mirando dende a barreira,  queremos facer camiño e que sexades  partícipes dos nosos progresos e as nosas caídas.

Porque non se nos ocurre outro xeito de crecer que atreverse, expoñerse, e tirar, así que.... comenzamos... xa!